Mi n’hu vist tanti da soci borla gio
Quei vün a l’Infernu, quei vün in dal so cò
Quei vün in un büceer, quei vün in Paradiis
E i henn tropp pooc quii che i restan chi a viif
Forsi l’è tropp quell che t’hu dumandaa
Forsi un suriis ma la dà gnanca ul me pà
E forsi perd, l’è ul nostru mestee
Forsi ul prosim che borla gio sun me…

Ma prima da nà vöri parlà cun te
O perlomeno dumandat ul parchè
Parchè tanti ropp mi ai capisi mia
Te g’het piantaa chi e pö ta s’het nai via
Parchè i to omm quand a parlan cun te
I g’hann i secocc pien dumà da danee?
Pö parlan cun nüm e g’hann pien dumà ul cöör
Par nüm dumà paroll e intant gh’è gent che möör…

E g’het dai da beef trop sanc a questa tèra
In dal tò nom a fann anca la guèra
In dal tò nom sa mazan cumè can
Dimm te parchè ta seet inscì luntan?
Parchè robi par me, e finisi in galera?
Parchè robi par te, e finisi a fa cariera?
Eh sì, forsi perd l’è la nostra benediziun
Ma alura mi lasi e borli gio in una canzun…

Forsi l’è tropp quell che t’hu dumandaa
Forsi un suriis ma la dà gnanca ul me pà
Forsi bestemi ma mi in dal tò nom
A preferisi, ves un diavul che un omm...